Mummy...I L U

Jab bhi koi musibat aati hai,
fauran maa ki yaad sataati hai,
duniya ki har ek dawa se,
maa to behatar hoti hai,
maa to aakhir maa hoti hai.
Bachche ke har ek gunaah ko,
jo pal bhar mein dhoti hai,
maa to aakhir maa hoti hai.

Seene se ye humein lagaaye,
dukh takleef door bhagaaye,
jeevan ki har ek raah ki,
maa to manjil hoti hai,
maa to aakhir maa hoti hai.

Puri karti maa har mannat,
iske kadamon mein hai jannat,
"Jatan" ki har dua ke andar,
maa to shaamil hoti hai.
maa to aakhir maa hoti hai.