Sunday, 3 August 2008

Meri Maa

Sabse pyaari, sabse nyaari,
kitni bholi bhaali maa.

tapti dopahari mein jaise,
sheetal chhaiya waali maa.

mujhko dekh-dekh muskaati,
mere aanshu sah na paati.
mere sukh ke badle apne,
sukh ki bali chadati maa.


iski 'mamata' ki paawan,
mithi boli hai mann bhaawan,
kaanto ki bagiya mein sundar,
phoolon ko bikhraati maa.

iska aanchal nirmal ujjawal,
jisme hain, nabh - jal -thal.
apne shubh aashishon se,
hum ko sahlaati maa.

maa ka mann na kabhi dukhaana,
hardam isko shish jhukaana,
iss dharti par maata bankar,
ish kirpa barsaati maa.

prembhaav se milkar rehana,
aadar sabhi bado ka karna,
sewa, simran, satsang waali,
sachchi raah dikhaati maa.

sabse bholi sabse pyari,
sabse nyaari meri maa.



Friday, 6 June 2008

Mother Earth



Mother earth our mother earth
she is the one who gave us birth
the tree, soils, mountains and hills
All are one by one getting killed

Mother earth our mother earth
she was once full of happiness and mirth
rivers, seas, lakes and wells
In this place many creatures dwell

Mother earth our mother earth
Is now completely beleaguered
People know only how to blare
things are some times really bizzare

Mother earth our mother earth
We get to hear so many canards
in this world full of terrorism
there are very few with humanism

Mother earth our mother earth
no one understands its worth
people work with a lot of zeal
only to make money for their meal

Mother earth our mother earth
there are so many who experienced a blizzard
the earth is turning apocalyptic
but no one still is apologetic

Mother earth our mother earth
in the forests, we hear sweet birds chirp
trees are being cut one by one
but people on earth are planting none

mother earth our mother earth
Oh please stop filling it with dirt! ! !
we are destroying it no one other
Save our mother
save mother earth 

Sunday, 20 April 2008

Maa



Subah jagaati,
raat sulaati,
meethi meethi lori gaati,
meri maa..

sikh sikhaati,
sab samjhaati,
desh bhakti ke geet sunaati,
meri maa..

sneh badhaati,
dvesh mitaati,
bachpan ko nit raah dikhati,
meri maa..






Saturday, 29 March 2008

Desh Mahaan



Jagah-Jagah par poster lage hai Mera desh mahaan.
Sansad mein sab chor base hai
Thagg base hai thane mein,
Kursi par aise hai baithe jaise
Saanp lipte hon chandan mein
Media ab kya kare bakhaan,
Jagah-Jagah par poster lage hai Mera Desh Mahaan.


Kahin aag lagi kahin dhuwan utha
Kahin bhukamp kaa kahar toota,
Daan daataon ki soochi akhbaar mein
paisa sab dalaalon ne loota,
Sarkaar kaa bik jata naam
Jagah-Jagah par poster lage hai Mera Desh Mahaan.

Gaaon mein bijali ke khambe-taar
light naam ki cheez nahin,
Bhakara-Tehri Dam lage hai
nalon mein phir bhi paani nahin,
paani ki lambi lagi kataar
Jagah-Jagah par poster lage hai Mera Desh Mahaan.

Pati-Patni kaa rishta ajeeb hai
Saal ke baad talaak jarur hai,
Beta baap ko baap na samajhe
Baap ke paison kaa bahut grur hai,
Yeh sab dekh Kya kare Bhagwan
Jagah-Jagah par poster lage hai Mera Desh Mahaan.

Mahangai aasman ko chhuti,
Sensex bhi kya khoob gira.
Paise ki kadar nahi hai bhai,
Dollar bhi toh doob gaya.
Jeena ab ho gaya haraam, 
Jagah-Jagah par poster lage hai Mera Desh Mahaan.

Udyogpati toh khoob chadhe hai,
Karmchaari ka bhavisah latka hai.
IT ka hai ye bolbala,
Kaam bhi toh kya fatka hai.
Recession mil gaya hai naam,
Jagah-Jagah par poster lage hai Mera Desh Mahaan.


Rojgaar ki ujari duniya
Madhyam varg ke logon ki,
Ghar ka kharcha kaise chalega,
Fikar lagi hai roti ki.
Bhagwan bhi ab hai hairaan,
Jagah-Jagah par Poster lage hai Mera Desh Mahaan.

Maa baap ne tumko janam diya,
Duniya ke rang dikhaye hai.
Dhalti umar dekh ab unki,
Vridhashram mein bithaye hai.
Mata ka hota hai apmaan.
Jagah-Jagah par poster lage hai Mera Desh Mahaan.

Raajneeti kya khoob ho rahi,
Har netabhookha nanga hai.
Desh chalau kurshi ke liye,
Gali mohalle mein danga hai.
Naara gunja bina shanti ke,
De do hamein shanti ka daan,
Jagah-Jagah par poster lage hai Mera Desh Mahaan. 

Saturday, 28 October 2006

Padhayi kisne banaayi



Uff! ye padhayi kisne banaayi,
kahaan se janmi kahaan se aayi,
papa kehate padho chemistry.
yaad karo EQUATION.

MUMMY kehati padho History,
rato CIVILIZATION,
didi kehati padho MATH tum,
sikho Integration & Differentiation.

aa rahe hain Examination,
badhne laga TENSION,
khatam pariksha ka mausam ho,
karoon main RELAXATION.

prabhu tum hum ko shakti dena,
darr ko mann se har lena,
hum ko paas jaroor kar dena,
Taki ki karein hum Celebration.